السلام عليكم جميعا





لا تنقض الخير بشر ٍ يابن الاجوادي
وبالك تحسف على خير ٍ تبي فعله



خل النوايا سليمه والوضع عادي
ومن ضايقك في فعول الشر وسعله



خلك بوادي وخله في شنق وادي
واصبر ولو صار في فعله بعد دعله



الله جعل للعرب نازل وشدادي
يعطي وياخذ وبه احد ٍ يمتعله



غمض عيونك وخلك بينهم هادي
لو كنت شايف شقوق الثوب رقعله



تبي تعيش بحياتك اترك الغادي
وان استشارك فقله لاتجي الشعله



واليا قفل خاطرك والهم بك زادي
دور صديق صدوق دوم تسمعله



واحرص على اللي ماهو نمام نقادي
اما تكلم بخير او صمت يشفعله







الشاعر/خيّال