اشد بحبال وصلك خلصتهه وياك
وبس انطيك ظهري الكاك بيهه تفل
اشأقل من الاحبك حرمتهه وياي
بوكت عندي الاحبك بس عليك تحل
تفز بيك الجروح بجفك السجين
واجذبهن واكول عيونهن تغزل
ومثل نزلت الخرزه التلضم بالخيط
هيج انته عله جرحي بخنجرك تنزل
عن حب مو جهل ذليت روحي وياك
وكلت عزة نفس ذل العشك مو ذل
تجيني وتعتذر واغفر واكولن تاب
تشبكني وخناجر بالظهر تشتل
ردت ساعه لوداعك بالوكت عزيت
حته الموت يمهل وانته ما تمهل
ظل ما شفت عندك مثل باقي الناس
ردت اثبت وجودك فصلتلك ظل
رجل بفراش موتي ورجل بالتابوت
والجناز رادك للنعش تحمل
واشوف كبال عيني عيونك الوكحات
وحده تصب دمع والثانيه تهلهل

احباب الرووووووووووح