أنا ليكي وانتي ليّه
قدر ومكتوب عليّه
مش هزار أوتمثيلية
أو قصيدة ومسرحية
دي مشاعر عفوية
لا بإيدك ولا بإديه
دا مكتوب يا بهيه
أنت ليّه مهما قالوا
مهما شوهوا وغالوا
مهما وصلوا او طالوا
حتفضلي في قلبي أبيه
مهما كتفوا الأيادي
قلبي يتحرك ينادي
لو لجمتوني السنادي
قلبي ناطق في اللي جايه
قلبي بيرفرف تملي
زي طير لأوفي خلي
عمره ما كان في يوم تملي
طيري كاره العبوديه
أنا ليكي ومش حسيبك
أنا واحد من محاسيبك
سندك.. جنبك وقريبك
ولو حبيع لك الجلابيه
لو نسيوا في يوم جميلك
لو نشفوا بالقسوة نيلك
قلبي فايض وسبيلك
بالوفاء شراييني جاريه
