منتديات احلى حكاية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات احلى حكاية دخول

موقع خاص بالتصاميم وتحويل الاستايلات واكواد حصريه لخدمه مواقع احلى منتدى


description ياحليل ديتسكم البارحة Empty ياحليل ديتسكم البارحة

more_horiz
يقولون كان فيه عروس من حريم الاولين 

دخلت على حموله ماهي هوينه أم وبناتها 
وتعرفون مرة الولد كنها شب على جرح اصبع أم الزوج
اللي صار ان العروس استلمت مهامها أسوه بعرايس الاولين
تقلط القهوه وتعشي الدبش وتكنس الحوش 


بإختصار صارت سيلانيتهم 
والام وبناتها يتبخترن ويبلعن وهن مستانسات 
واذا جا رجلها بالليل واثرها ذاويه ثاويه مالها خلق شي
يالله تنهض روحها :|
شكى العريس الحال على صديقه وقاله ان مرتي شكلها ماتبيني 
مافرحتبي وانها حتى الضحك ماتضحكه 
قال الصديق عندي لك طريقه لكشف الامر خذ ديك وانتفه وانت ماذبحته
واجدعه من السطح للحوش ان ماضحكت ترا الجوع ذابحها 
سواها وماضحك الا امه وخواته شنقلن من الضحك
فهم زوجها وراح من بكره لأمه وقالها انا عازم ضيف مهم
اطبخوا ازين شي وحطوا من البهارات الزينه 
وكثروا اللحم .. ويمنه جهز كل شي ونادته امه قلط ضيفك
يافلان .. قال لها روحي نامي انتي وخواتي شكله بيبطي 
ومرتي تكمل كل شي .. بعدها دخل على زوجته وهي تنتظره 
بالمطبخ كعادة مرة الولد 
وقال لها شكل الضيف استخار تعالي دبري العشا
او كبيه للدبش وراح لفراشه وخلاها 
وتدخل بنت الاجواد مفجوعه وتبلعه كله هو ولحموه ومرقتوه
وتسبع المواعين وتجي لغرفتها يوم انها انسدحت جنب زوجها
وتكر تضحك  قالها وشبتس يامال الصلاح قالت :
ياحليل ديتسكم البارحه

description ياحليل ديتسكم البارحة Emptyرد: ياحليل ديتسكم البارحة

more_horiz
شكرًا لك
تابع تقدمك ولا تحرمنا من جديدك
و دي لك

description ياحليل ديتسكم البارحة Emptyرد: ياحليل ديتسكم البارحة

more_horiz
شكرًا لك
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد